फुटबॉलवर प्रेम करायला लावणारा 'मॅराडोना'

NewsZenn Nov 27, 2020 995 0

फुटबॉलवेडा अवलिया

ज्याचा फ़ुटबाँल बघत एक पिढी मोठी झाली, ज्यानं जगाला फ़ुटबाँलवर प्रेम करायला शिकवलं तो फुटबॉल चा जादूगार असणारा अर्जेंटिनाचा माजी फुटबालपट्टू दिएगो अरमांडो मॅराडोना यांचं हृदयविकाराच्या झटक्याने निधन झाले. ते ६० वर्षांचे होते.
हृदयविकाराच्या झटक्यानं त्यांचं निधन झालं अशी प्राथमिक माहिती समोर येत आहे. सूत्रांच्या माहितीनुसार मागील काही काळापासून त्यांच्या प्रकृतीबाबत काही तक्रारीही समोर आल्या होत्या. काही आठवड्यांपूर्वी त्यांच्यावर तातडीनं subdural haematoma ची शस्त्रक्रियाही करण्यात आली होती.
'हॅन्ड ऑफ गॉड' (Hand of God) अशीही त्यांची ओळख होती. त्यांच्या फ़ुटबाँल च्या संपूर्ण कारकिर्दीत त्यांनी २५९ गोल केले आहेत. एक उत्तम प्रशिक्षक, खेळाडू, मार्गदर्शक जगणे गमावला. सुरवातीच्या काळात भारतात फ़ुटबाँलची फार क्रेज नव्हती, पण त्यांनी फुटबॉल कळणारे आणि न कळणारे सर्वानाच फुटबॉलच्या प्रेमात पाडलं. इटली पासून ब्राझील पर्यन्त असो किंवा भारत असो त्यांचा चाहता वर्ग खूप मोठा आहे. याचा प्रत्यय ते तीन वर्षांपूर्वी भारत दौऱ्यावर आले असताना आला. कोलकत्यात ते आले असताना संपूर्ण भारतातून त्यांना पाहण्यासाठी चाहते गेले होते. भारतात जसं क्रिकेट हा संस्कृतीचा भाग आहे तसंच अर्जेंटिना मध्ये फुटबॉल हा त्यांच्या संस्कृतीचाच भाग आहे. अगदी लहानपणी आपण बॅट- बॉल हातात घेतो तसं फ़ुटबाँलच आहे. त्यामुळे वयाच्या तिसऱ्या वर्षपासूनच मॅराडोना हे फुटबॉल खेळायला शिकले. त्यांची मेहनत व बॉलवरील पकड पाहून वयाच्या अवघ्या १४ व्या वर्षी अर्जेंटिना जुनिअर संघात प्रवेश मिळाला. तेथूनच त्यांच्या खऱ्या खेळाला सुरवात झाली. आपल्या झंझावती खेळीने वयाच्या १६ व्या वर्षी ते आंतराष्ट्रीय सामना खेळले. आपल्या उत्तम खेळाच्या जोरावर त्यांनी अर्जेंटिनाला १९८६ चा वर्ल्ड कप मिळवून दिला. अर्जेंटीनात त्यांची लोकप्रियता इतकी होती कि प्रत्येक पाल्याला आपला मुलगा मॅराडोना व्हावा असं वाटत. त्यांच्या २१ वर्षांच्या व्यावसायिक कारकिर्दीत त्यांनी केलेले अडीचशेहून अधिक गोल्स प्रत्येक फुटबॉल प्रेमींच्या कायम स्मरणात राहतील.

--Amita@Newszenn