छत्रपती संभाजीराजेंचे निष्ठावंत कार्यकर्ते दत्तू पाटील यांचे निधन

NewsZenn Sep 19, 2021 1034 0

माळ्याची शिरोली येथील युद्ध विशारद दत्तू विठू पाटील तथा बापू यांचे वयाच्या ९० व्या वर्षी दु:खद निधन झाले. ते छत्रपती युवराज संभाजीराजेंचे निष्ठावंत कार्यकर्ते होते. त्यांच्या आकस्मिक निधनाने युद्ध कलेचा एक दुवा निखळल्याची भावना युवराज छत्रपती संभाजीराजे यांनी व्यक्त केली.

ते शिवकालीन युद्धकलेचे विशारद होते.लाठी काठी,बोथाटी, दांडपट्टा, तलवार, भालाफेक, विटाफेक व शिवकालीन शस्त्रे लिलया हाताळत असत. त्यांचे युद्धकौशल्य बघून थक्क व्हायला लागायचे. त्यांनी या मर्दानी खेळाची अनेक शिष्य परंपरा तयार केली होती. वयाच्या नव्वदीतही ते शिवराज्याभिषेक दिनी पायी रायगड किल्ला सर करीत असत.
युद्धकलेचे हे वस्ताद दरवर्षी न चुकता रायगडावर येत असत. आजचे तरुण रोपवेने गडावर येतात पण बापू तरुणांना लाजवेल अशा अवेशात वेगाने गड चढत असत. त्यांची काही वाक्ये आजही आठवतात. ‘तो गडावर बसलाय नव्ह तो मला बोलवतोय. मला जमतय तो पर्यंत मी अभिषेकाला येणार.